الرئيسية / اخبار وسياسة / رسمياً: زيادة راتب ١٠٠د.ك لمن ليس لديه كادر + صورة من القرار

رسمياً: زيادة راتب ١٠٠د.ك لمن ليس لديه كادر + صورة من القرار

 

سمعت يوم امس عن زيارة ١٠٠د.ك للموظفين الحكومين الذين لا يملكون كادر او بدل .. فقررت البحث في هذا الموضوع .. حتى وجدت صورة من القرار في الجريدة الرسمية

 

وللتأكد أكثر اتصلت بأحد الموظفين بـ قسم الرواتب في أحد الوزارات وسألته عن أليه الدفع والتوقيت .. قال لي ان الزياده هي إبتداء من هذا الشهر ولكن سيحصلون عليها الموظفين بأثر رجعي الشهر القادم (مايو) .. وذكر ايضا ان من لديع بدل او كادر يقل عن ١٠٠ دينار .. سيستفيد من هذه الزيادة حتى تصل إلي ١٠٠ دينار .. أي لو شخص لديه بدل ٣٠ دينار مثلا .. سيحصل على ٧٠ دينار من هذه الزيارة . ستكون الزياده تحت مسمى مكافأه.

إليكم صورة من القرار الصادر من ديوان الخدمة المدنية في الجريدة الرسمية (الكويت اليوم).

 

شاهد أيضاً

الجواز الكويتي .. اكثر الجوازات الخليجية والعربية لديه قبولاً عاليماً .. 77 دولة لا تحتاج لتأشيرة

حلّ جواز السفر الإماراتي في المركز الثاني عربياً، بحسب تصنيف مؤسسة “Henley & Partners” لشؤون …

34 تعليق

  1. الف مبروك والله يستاهلون الموظفين
    وبستاهلون موظفين القطاع النفطي شريان الخير للدوله هم يستاهلون
    اقرار زيادة الرواتب وهذي هديتهم بمناسبه الخمسين عام للقطاع

  2. عبدالكريم

    الله كريم يستاهلون

  3. يستاهلون اللي ما عندهم كوادر
    وانشاء الله يزيدونهم
    ويزيدون كادرنا

  4. واللي يشتغلون بالشركات لهم ولا لا ؟

    • abdullah aljalawi

      لهم الله !
      وان شالله ينزل لهم قرار زياده
      لان النظام يختلف عندهم

  5. الله يبارك لهم فيها ,, انزين إحنا الطلبه الكليات والمعاهد مالنا شي

  6. هذا القرار يطبق على الموظفين العاملين في الجهاة الحكوميه

  7. الله يبارك لهم فيها بس إحنا الطلبه نكسر الخاطر مالنا شي

  8. اذا جذي شقعدنا بالخاص خنروح حكومه ابركلي من الخاص كرف ومعاش ضعيف

  9. ههههههههه

    ههههههه يضيق خلقكم وين التوقيع علي القرار وشو الي يثبت انه من جريده كويت اليوم

  10. ألف مبارك للأشقاء في الكويت وهذا القرار مو غريبه على آل صباح الخير فيهم وفي الشعب المعطاء والله يوفج الشعب الكويتي لأنه أثبت رجولته في كثير من المحافل.
    ومني انا إماراتي لكم حب كل أهل الامارات.

    • الف شكر لك عزيزي

      • اللي عنده كادز خل يحمد ربه و لا يحط عينه على غيره يعني انا جامعيه معاسي اقل من السكرتيرات لان اهم عندهم بدلات اما الحين مع الزياده صار راتبي مثلهم يعني للحين في فئه مظلومه من الجامعيين

  11. موظفي الجمارك هم المظلمين في الرواتب نفس دوام العسكري واقل رواتب حتي 100 دينا رمحرومين منها والعالاوه 25 دينار تحرمك 100دينار الغانم اتقي الله وطالب 27 سنه مدير سوي شئ تنذكر فيه

  12. والله نستاهل هل الزيادة وكل الشكر الي وزير الداخلية

  13. عسى الخير دايم يهل علينا وهالسنه حلوة على الكويتين ومليانه بالمفاجات

    ثانكيوو على الخبريه

  14. وحنا القطاع الخاص لنا الله بس انطالع هالكوادر وهالزيادات وانتحسر

  15. اموووووت واعرف فرحانين على شنو
    اقروا الخبر كامل عقب علقوا
    بيخصمون منها البدلات والعلاوات !!!
    بعني اقص ايدي اذا صفا لك منها عشر دنانير
    هالقرار فعلا تنطبق عليه المقوله
    صمت دهرا فنطق كفرا!!!

  16. ياجماعه هذي الزياده تشمل القطاع الخاص بعد واله لا وليش نتحسر الله يرزقهم ويرزقنا والحمدلله علي كل حال بس احنا لازم لنا حق مع ان دوامنا اصعب من دوامهم واطول بس ربكم كريم

  17. الله يحفظ الكويت

    ادعوا الله ان يبارك فيها ولاتنسون الصدقه منها

  18. سلام عليكم تكفين ردو علي مساعدات الشؤن لهم زياده او شي للطلبه المتزوجين ويستلمون مساعدات الشؤن

  19. مساعدات الشؤن يستلمون هل زياده

  20. كويتيه ولي الفخر

    والمتقاعدين ما لهم زياده

  21. الف مبرووووك اذا كان صج

  22. هذه الكويت صل علي النبي. والله يحفظج ياكويتنا من الحسد والعين وشكر خاص للاخ الاماراتي تحياتي لكم ومبروك

  23. الله لا يوفق الي طلع هذا القانون وانشالله ربي اوريه يوم في اهله يارب ليش متحسف يعطي ١٠٠ دينارشنو صافها من جيبه يعني الي عنده بدل طريج ٧٠ راح ياخذ ٣٠ مو حرام هذا اكبر ظلم وليش مازيد حق العموم ١٠٠ بس ما قةل الله اوريني فيك يوم

  24. التخبط زايد بشكلم مو طبيعي بديوان للخمه المدنيه
    احنل كنا كاشخين بكادر يصل الى٧٠ دينار وزادوا الكل الا احنا ننطر الزياده لانا نعتبر فنيين ( دبلوم)
    والحلين نتساوى مع الكل نوصل الى ١٠٠ دينار يعني صج لي قالوا شهادتك نقعها واشرب مايها اللي متوسط وثانوي يتساوى معانا
    يعيشون الاخوان العرب اللي مسيطزين على ديوان الخدمه

  25. هههه ما تسوى هالزيادات محد يترس عينه شي

    بكل زيادة هالحالة .. ظلم وحرام وليش 😮

  26. الله يحفظ كويتنا من كل شر يارب والله يرزق الجميع ويحفظ شيوخنا والخليج والعرب والمسلمين ويارب ترزقنا والمسلمين تعبنا من الديون يارب تقضي دين كل مديون ياالله

  27. اللي عندهم شهادات زادوهم 70دينار
    والعسكريين اللي ماعندهم شهاده زادوهم اكثر من200دينار
    القرار يكافئ اللي ماعنده شهاده
    وين العدل والمساواه

  28. واللذين لديهم بدل مساواه في وزارتي الداخليه والدفاع هل يستحقون الكادر هذا او لا؟

  29. زيادة بنقالي

اترك تعليقاً

لن يتم نشر عنوان بريدك الإلكتروني.