Q8Ping
مقالات مشابهة
–
–
–
مصنع الاساور المطاطيه PowerBalance (الهولوغرام) في استراليا الذي يدعي انه يزيد القوة او يعيد توزيع القوة بالجسم على وشك أن يعلن افلاسه .. ووفقا لأخر التقارير المعلنه ان مبالغ التعويض التي أجبر على دفعها قد تصل إلي 57 مليون دولار .. ويذكر أن الشركة قد اعترفت بأن منتجها لم يثبت علميا انه يزيد القوة او يوازنها .. المصدر
–
–
متى ربعنا يستوعبون؟
مشكلة الهبات
+1
لا الحلوه انه كل اللي استعمولها قالو انها ممتازه للتوازن
واللي حارني العرج صار يمشي عادي ويقول طبيه.
ايش اللي طبيه خسرت الشركه يابوي
شلون نما احطها بيدي احس انه ايدي صارت اخف و اسرع ؟
اللي برد علي اهم شي يكون مجربها
لان الشي نفسي
والعلاج النفسي اقوى من اي شي
ربعنا صيدات كل شي يمشي عليهم
اهي فكرتها نفسيه
تخليك انك تعتقد انها تفيدك وصج انت تحس بالفرق
بس اهي شغله نفسيه
انا كنت ابيع منهم
ويسالوني صج جذي تسوي ؟ اقولهم لا حجي فاضي
وانه اهي شغله نفسيه تبي تقص روحك وتصدق تعطيك طاقه بتحس في هالشي
انا كنت ابيعهم عشان شكل واكسسوارات مو عشان طاقه وخرابيط وكنت اقولهم قبل لايشترون
اشوه اني ما لبستها
أشوه أني ما شريتها ☻
الله يلعنهم.. والله الله يلعنهم عيال الكلب.. انا شريت وحدة بـ15 دينار خرة عليكم 15 دينار وآخر شي جذب !!
انزين بيعوها بدينارين خلونا ما نحتر ولا نتحسف.. مو 15 دينار !!
ادري بتقولولي محد جبرك تشتريها, ادري.. بس انا شريتها لأن الكل قالي سوت فرق معاه وانا صدقت الناس
والمشكلة إن الـ56 مليون دولار هذي راح تاخذها استراليا, واحنا المساكين مالنا تعويض
انتا انسان ماتفرق معاك ١٥ دينار .. لو تفرق معاك جان ماشريت شغله مشكوك فيها من الأساس
فما اعتقد ان عليك عايز تعويض !!
وبالنهايه محد قالكم اشتروها غصب
ماعليه شباب لاتتحسفون صارت و خلصت و وايد ناس البستها ولا صاروا رياضيين فيها بعد بس المهم نستوعب درس قوي مو ان باقونا لا لازم ندرك ان النفسيه اهي ٩٠٪من العلاج وربي يحفظكم ويرزقكم الصحه و العافيه
شريـت أمس 4 حبّـات… الله يخلف عليّ بسّ.
لكن أنا اقـتـنعت بها يوم جرّبتـها من ناحية انــّي أقوم من النوم نشيط موب نعسان, و تجربة التوزان و و!
لكن لا زال الشباب طايح فيها عندنا ب السعوديّـه.
الواحد لي عرف إن الله معاه وتوكل عليه شيبي بهالخرابيط!
بس ناس ضعف ايمانها وكثرت فلوسها