Q8Ping
مقالات مشابهة
كل منزل يجب ان يكون به (عده) كما نسميها .. ومن الطبيعي اننا سنحتاجها يوم من الايام لأغراض مختلفة .. قمت قبل ايام بشراء هذه الحقيبة المتكاملة وهي عبارة عن مفك (درنفيس) إلكتروني ومعه 50 رأس مختلف وما جذبني لها جودتها في من صنع شركة Black&Decker الغنيه عن التعريف وغير ذلك انها عبارة عن حقيبة خفيفه ومرتبه .. سعرها مناسب جدا جدا أقل من 6 دنانير .. بالضبط 5,990 فلس من كارفور (الافنيوز) .. وللأمانه بعد الاستخدام اثبتت لي جدارتها وقوتها ..
ممتاز
يبيله ، ابرك من الي عندي ( شحن ) لازم يكون مشحون علشان يشتغل ، الي عندك بطاريات وسهالة البطاريات توفرها بالشنطة
جميله ولكن هل الدرنفيس الالكتروني افضل من اليدوي ..
افكر يافتناء واحده سعرها مناسب ولحاجتي لها طبعا ..
والله شغل عدل مشكووور بو جاسم
اشلون تشتغل بالشحن ؟
وجم يطول ؟
لا بطاريات يالحبيب مثل ما هو بالصورة
٤ بطاريات
انشاله قوي عاد احد جربه ؟ مع البراقي الصعبه (المصديه)
اي نعم جربته ببراغي الباب القوية وقديمة
وكان واضح قوته صراحه
عده جميله و لكنها لا تغني عن وجود العدة التقليدية ( الاصليه ) طبعاً
و اقصد الاصليه يعني مو العده اللي شغل الصين بو طقه تلاقي الجنطه
متروسه اغراض نصها مالك حاجه فيهم و الدرنفيس تستخدمه مرتين
و يخترب شلون يخترب راسه اذا + يتحول يصير * ههههه
جوده الصنع و المواد المصنعة رخيصة جدا ً و افضل واجود
العدد ذات الصناعة الامريكية و لما تختار حاول تشتري عده
مناسه لكل الاستخدامات مثل هذه :
http://www.craftsman.com/shc/s/p_10155_12602_00910028000P?vName=Hand+Tools&cName=Tools+Sets&sName=Home+Owner+Tool+Sets&prdNo=2
ما راح تحتاج لأكثر لانه العده في المنزل مجرد ( لتخليص العاجل من الامور ) 🙂
و اذا تبي تفتح ورشه بالبيت هذا شي ثاني على العموم المفكات العاديه
افضل للأمور الثقيله و القاسيه اما المفكات اللي تشتغل على شحن او بطاريه
فهي مفضله للامور الخفيفه و الشغلات اللي وايد تستخدم فيها المفك لسهوله
التفح و القفل و يجب مراعاه الشفره و الاله اليدويه ذات الشحن في اختيار
ما تريد فتحه حتى لا يكون قاسيا يعرض تروس الاله للاستهلاك السريع
او العطل !
لمن يريد ادوات انصح بزياره ايس هارد وير
نسيت اذكر انه اذا تبي تفتح برغي مصدي الافضل استخدام سبراي WD-40
على البرغي حتى يتغلل الى داخل المجرى بأكمله ثم فتح البرغي وشكرا
انا عندي نفسها بس على شحن ونفس الماركه 🙂
شي طيب شريت واحد نفسه من مركز سلطان قبل فتره ب 6 بس مو كل هالرئوس وشحن بس خوش شي حق البراغي والشغل الوايد والي ماله خلق والي يبي يريح روحه 🙂