الرئيسية / دعايه وإعلان / Zain .. تكلم بلا حدود لمشتركي إيزي

Zain .. تكلم بلا حدود لمشتركي إيزي

عرض جميل لـ مستخدمي زين من فئه الدفع المسبق إيزي .. كما هو موضح لكم .. مجرد تعبئة مبلغ معين ستكون المكالمات والرسائل المحلية مجانية لفترة معينة .. هذا العرض هو تكملة لمسلسل التنافس بين الشركات .. وهذا من فوائد قانون شركة الاتصال الثالثة .. وبرأيي ستكون المنافسة شديدة بعد تطبيق قرار امكانية نقل الرقم بين الشركات


لكن عند كل إعلان اقرأه لتلك الشركات .. اترك خطين تحت  جملة .. تطبق الشروط والاحكام .. لاني أكثر من يعاني من هذي الكلمة .. خصوصا مع شركة زين وتحديدا عند عند كلمة تمتع بأنترنت بلا حدود  .. لكن ما يجري معي شهريا هو عكس ذلك .. فـ كل شهر بتاريخ 20 تقريبا تنخفض عندي سرعة الانترنت المستخدم على جهاز الايفون بشكل كبير وواضح جدا .. والسبب لان التحميل تجاوز ال2 قيقا .. وعندما اتصل بالشركة واسألهم هل من خدمة تقدم لي اكثر من ذلك الحد الشهري حتى لو كان ذلك بمقابل ؟؟  .. يكون الجواب لأ

شاهد أيضاً

شاهد : فريق وصال الإعلامي يقدم مسرحية #احسبها_غير !

12 تعليق

  1. حسين دشتي

    بخصوص الانترنت ..
    طول بالك شوي وراح تشوف عروض قويه وتطيب خاطرك 😉
    بس مو تقول لأحد

  2. بصراحة ومن غير اي مجامله .. الاتصالات والوطنية كلماتهم غير موثوقه .. ما يعطونك الشي على وجهه الحقيقي .. الا بعد الاشتراك معاهم وتندبس .. يقولون لك .. بس في قانون بالشغله الفلانية ..
    بس اول ما تجيهم يقولون لك .. طبعا كل شي مفتوح وابشر بعزك ..

    اتحدى اي واحد يتصل على زين ولا الوطنية وما يقعد فوق الخمس دقايق انتظار احد يرد عليه .. ولما يردون عليك ما يعطونك حل ..

    شحلات الفيفا بصراحة .. تدق عليك تسألك شنو تبي ! .. انا مرتاح من خدماتهم .. حتى الانترنت اذا صارت لك مشكله وما قدرو يحلونه يدزون لك فني لي البيت عشان يعدلها ويشوف المشكله !! مو الوطنية يقولك تعال العماره الحمرا !

    • كلامك عدل
      بخصوص العروض الي مو واضحه

      ..

      فيفا عروضها جدا جميلة

      لكن للأسف خدماتها سيئة من ناحيه الجودة

      السيرفس مثلا

      ثانيا موظفين الكول سنتر معلوماتهم محدودة جدا جدا

      وصلاحياتهم محدودة

    • أمس أدق على فيفا و انتظار فوق 20 دقيقة!

    • أنا استعمل خطين فيفا وزين, الصراحة فيفا دايما يدقون علي يطلعلهم مغلق.. السيرفس كلش مو شي عندهم, من قبل سنة قالولي راح نسوي أبراج يديدة حق السيرفس وكله حجي فاضي لي الحين مستمره المعاناة

  3. انا بصراحه مقزرها عندي اشتراك نت من فيفا أن ليمتيد بعشرين دينار والنت مفتوح
    والسرعه ثابته طول الشهر والسيرفس شغال عدل حتى في بر العبدلي
    والمزاج عال العال

    🙂
    وشركة شين واللاالوطنيه ما اصدقهم كلهم جذب بجذب
    لدرجة اني قاط خطي الايزي ما اعبيه
    إلا بالسنه مره دينار ونص بس مخليه حق استقبال بس
    ناطر يفتحون نقل الخطوط واحوله حق فيفا وسلملي على شين عالم قبييح
    حرام فيهم الفلس

  4. انا حاط اشتراك 13 د ك
    على الايفون و هو نفس الرقم الي اتكلم منه لي 10 قيقا بالشهر
    و اقدر اخليه اي قو

  5. وايد تخوف سالفة الشروط والاحكام, انا كل فاتورة او عقد لازم اقلبه اقرى شروطهم واحكامهم

  6. توني سألت واحد من الشباب عن هالعرض

    قالي الشروط و الأحكام اللي هي الشروط العادية من دون قيود على الاستخدام
    يعني مثلا يعطيك 8 ساعات تتكلم فيها باليوم… و محد يقدر يتكلم 8 ساعات متواصلة ففعلا تكون استخدام غير محدود

    اللي مريحني بهالعرض انه داخل شبكة زين و أغلب معارفي على هالشبكة

  7. توني متصل علي الشركة يقولون العرض بس حق الاتصال من شبكة زين يعني اذا تبي تتصل علي الوطنية او فيفا او ارضي راح يحسب من الرصيد يعني بس تتصل علي ارقام شركة زين ( لا تعليق علي العرض لان عرض فاشل الصاراحة) يعني راح يعيدونك من جيبك و تعال قولهم ما اتصلت انا علي ارقام غير شبكتكم يقولون روح طلعب برنت و انطر

  8. زين سيرفسها حلو بس حرامية, خصوصا كلمتهم المعتادة : فواتير متأخره
    خره عليهم أسدد فاتورتي كاملة وأطفي جهازي وما أستعمله وبعد يومين علي 60 دينار.. من وين ؟!؟!؟ والله فواتير متأخره.. والله خره عليكم

اترك رداً على بوعلي إلغاء الرد

لن يتم نشر عنوان بريدك الإلكتروني.