Q8Ping
مقالات مشابهة
كما تعلمون فأنا أملك كاميرا من نوع Canon 60D ولدي عدستين
الأولى 50mm F/1.4
والثانية 135-18
وبما أني سأذهب في رحلة الى جزيرة بوكيت الرائعة بعد العيد فكرت باقتناء فلاتر تساعد على جمال الصور وروعتها
بحثت قليلا عنها لكنني محتار في أفضلها وأجودها لكني احترت ما هي الانواع التي احتاجها ..
فما هي نصائحكم لأفضل الفلاتر التي ممكن تفيدني ؟
بجم طلعت عليك ،، والعدسات بجم ،،
فيدنا قبل لايفيدونك الشباب ،،
تفضل يالحبيب هذا الموضوع الي كتبته عن الكامرة ..
https://www.q8ping.com//13016.html
فيه الاسعار والمواصفات
فلتر واحد مفيد خصوصا حق الجزر.
polarizer filter
يخلي لك السماء زرقه و يشيل انعكاس الماء والجام وغيره.
وفي uv فلتر حمايه حق العدسه من خدوش هم يفيد.
واشتر اجود انواع الفلاتر لان الرخيص يخرب صوره بدل لايعدل فيها.
افضلهم hoya and b+w
هويا ايمع وصخ انا مجربه. خلك علي b+w ممتاز.
وتروح وترد بالسلامه.
انا بعد قلت جذي .. لان في فلاتر اسعارهم حيل رخيصه وفي فلاتر حيل غاليه مع انهم نفس الاسم ..
تسلملي حبيبي
للأسف معلوماتي مو ذاك بالزود بالكاميرات بس حبيت أقولك تروح وترد بالسلامة ولاتنسى تييب لنا منجا و أناناس وجوز الهند 🙂
اول شي تروح و ترجع بسلامه موووفقه يا رب
ثاني انا توني جاي من بوكت و بانكوك نصيحه اشترهم من هناك باكثر و ارخص من كويت و قطر و تحصلهم في كل مجمع ( انا اخذت منهم عدسات و بعض المستلزمات الكاميره كانون و شفت اسعارهم ) مثال ( عدسه 100mm حصلته 120 دينار في بانكوك و انا شفتها في الكويت و قطر 180 دينار و لك الخيار اخوي
ملاحظه في هناك كذالك فلاتر و عدسات بس ماركه ثانيه يابانيه اسمها Tamron ولها نفس مواصفات عدسات كانون بس ارخص منها بكثير
Follow me @q8camshooters
عشان تتعلم عالكاميرا عدل
هناك فلتر ضروري جداً وهو فلتر لحماية العدسه الا وهو فلتر UV
و كذلك فلتر بلورايز
وتستطيح استخدام الاوراق الشفافه الملونه لاظهار صورة كاملة بلون معين
نصيحة لا تشتري الكثير من الفلاتر لاتك لن تستخدم الا اثنين
الحماية و البلورايز و هما افضل الفلاتر
نفس كلام الشباب أهم واحد البولورايزر يعطي الألوان عمق
تحتاج بولارايزر Polarizor
و تحتاج Natural Density, ND
الماركة أنصحك في هويا HOYA
أما الفلاتر الباجي ما تحتاجها و إذا تحالج معلومات أكثر هم حاضرين
مثل ماذكر اخوي مشعل ، البولورايزر وايد مفيد ولاتنسى انك تاخذ المقاسات الصحيحة مثل قياس قطر عدسة ال٥٠mm يختلف عن ال١٨-١٣٥
قياس الفلتر للعدسة الـ50mm 1.4 = 58mm
اما بالنسبة للعدسة 18-135 = 67mm
, والله ياخوي دام عندك فلاتر ,, استخدمهم
وانا اقولك استخدمهم اثنينهم اذا تقدر وهذي نصيحتي
لاتشتري جديده ولا شيء اكرف هذولا زينين
انشاء لله تروح وترد لاهلك بالسلامه بس حابب استفسر كم كلف التوصيل بعد ما اشتريتها من امازون و شكرا